နိဒါန်း မြန်မာစစ်တပ်က ရွေးကောက်ပွဲအသစ်တခု ကျင်းပရန် ပြင်ဆင်နေချိန်တွင် ကမ္ဘာ့နိုင်ငံအများစုသည် ခန့်မှန်းရလွယ်ကူသော အမြင်တခုဖြင့် စောင့်ကြည့်နေလိမ့်မည်။ ယင်းက အာဏာရှင်စနစ်နှင့် ဒီမိုကရေစီကြား ဟူသည့် အကျွမ်းတဝင်ရှိသော မျက်နှာစာတခုပင် ဖြစ်သည်။ မြန်မာနိုင်ငံသား အများအပြားနှင့် ပြည်ပရောက် မြန်မာများအတွက်မူ ဤအခိုက်အတန့်သည် ရိုးရာတခုလို အကျွမ်းတဝင်လည်းရှိသလို စိတ်ရှုပ်ထွေးစရာလည်း ကောင်းနေသည်။ အချို့က ဤရွေးကောက်ပွဲတွင် ပါဝင်ခြင်း သို့မဟုတ် ငြင်းပယ်ခြင်းသည် လွတ်လပ်ရေးဆီသို့ မှန်ကန်သော ခြေလှမ်းဖြစ်ပါ့မလားဟု မေးခွန်းထုတ်ကြလိမ့်မည်။ အခြားသူများကမူ ၎င်းကို ထောင်ချောက် အဖြစ် ရှုမြင်ကြလိမ့်မည်။ အခြေခံအုတ်မြစ်များကို ပြုပြင်ပြောင်းလဲခြင်းမရှိဘဲ အာဏာကို ထိန်းသိမ်းထားရန် ရည်ရွယ်သည့် ကြာမြင့်လှပြီဖြစ်သော ပြဇာတ်တခုမျှသာဖြစ်သည်ဟု မြင်ကြလိမ့်မည်။ ဤမေးခွန်းများသည် မှန်ကန်သော်လည်း ပိုမိုနက်ရှိုင်းသော အမှန်တရားနှင့် လွဲချော်နေနိုင်သည်။ မြန်မာနိုင်ငံ၏ အဓိက နိုင်ငံရေးအကျပ်အတည်းသည် လက်ရှိစစ်အာဏာရှင်အဖွဲ့နှင့် စတင်ခဲ့ခြင်းမဟုတ်ပါ။ ၂၀၂၁ ခုနှစ်တွင်လည်းကောင်း၊ ၁၉၆၂ ခုနှစ်တွင်ပင် စတင်ခဲ့ခြင်း မဟုတ်ပါ။ ဗိုလ်ချုပ်ကြီးမျ...
ပြည်ထောင်စုလွှတ်တော်ကိုယ်စားပြုကော်မတီ (CRPH) ၂၀၂၁ ခုနှစ်၊ ဖေဖော်ဝါရီလ (၁) ရက်နေ့တွင် စစ်တပ်မှ အာဏာသိမ်းခဲ့ပြီးနောက်တွင် လွှတ်တော် ကိုယ်စားလှယ် (၂၉၈) ဦးသည် ဖေဖော်ဝါရီလ ၅ ရက်နေ့၌ တတိယအကြိမ် လွှတ်တော်၏ ပထမဆုံး အရေးပေါ် လွှတ်တော် အစည်းအဝေးတရပ်ကို အွန်လိုင်းဗီဒီယိုဖြင့် စုဝေး၍ ကျင်းပခဲ့သည်။ ပြည်ထောင်စုလွှတ်တော်၏ ဥပဒေပြုလုပ်ငန်းများကို ဆောင်ရွက်နိုင်ရန် အနိုင်ရ လွှတ်တော်ကိုယ်စားလှယ် ၁၅ ဦးဖြင့် စတင်ဖွဲ့စည်း တာဝန်ပေးအပ်ခဲ့ရာမှ ပြည်ထောင်စု လွှတ်တော် ကိုယ်စားပြုကော်မတီ (The Committee Representing Pyidaungsu Hluttaw-CRPH) ဖြစ်လာသည်။ ပြည်သူလူထုက ရွေးကောက်တင်မြှောက်သော ပြည်ထောင်စု အစိုးရကို ဖျက်သိမ်းရန် တပ်မတော်က အားထုတ်ကြိုးပမ်းမှုသည် ပြစ်မှုဆိုင်ရာ ဥပဒေ ပုဒ်မ အခန်း ၆ ပါ ပြဋ္ဌာန်းချက်များနှင့် ငြိစွန်းပြီး ရာဇဝတ်မှု မြောက်သောလုပ်ရပ်ဖြစ်ကြောင်း ဖေဖော်ဝါရီ ၇ ရက်နေ့တွင် CRPH က ကြေညာချက် ထုတ်ပြန်ခဲ့သည်။ ကုလသမဂ္ဂသံတမန်များနှင့် နိုင်ငံတကာအနေဖြင့် တရားဝင် အစိုးရဆိုင်ရာ ကိစ္စရပ်များ အတွက် တရားမဝင် စစ်တပ်နှင့် မဆက်သွယ်ပဲ ပြည်ထောင်စုလွှတ်တော်ကိုယ်စားပြုကော်မတီဖြင့်သာ ဆက်သွယ်၍ ဆောင်ရွက် ရန်လည်း အကြံပြ...